Nunap assinginik attuuallugit atuarneqarsinnaasunngorlugit ilusilersuinerit
Nunap assingi inussanik attuuallugit atuarneqarsinnaasut inunnut isiginiarnermikkut innarluutillit sumiissusersiornerannut iluaqutaasorujussuusinnaapput. Tassunga assersuutaasinnaasut tassaapput illoqarfiit, illut anginerusut, qimuttuitsut unittarfii il.il. nunap assitaat. Nunap assingi taamatut ittut isaarissat eqqaanni naammattoorneqarsinnaasariaqarput immaqalu aamma paasissutissiisarfinni, saaffiginnittarfinni assigisaannilu atukkiunneqarsinnaasariaqarlutik.
Nunap assingi taamatut ittut sukumiisuuallaassanngillat, attaveqaatinilu aqqutinik, atuuffinnik pingaarutilinnik soorlu elevatorinik, tummeqqanik, aniartortarfinnik inillu inissisimanerannik takutitsisuuinnassallutik.
Sumiiffimmi illu sukumiinerusumik nassuiarneqartariaqassappat nunaminertamut tassungarpiaq iluaqutaasumik arlalinnik nunap assiliortoqarsinnaavoq. Nunap assingata assersuutigalugu tummeqqat sumiinnerat takutissavaa allap qimuttuitsut ingerlaarfissaannut pilersaarutit ingerlateqqissavai allallu init kisitsisitalinngorlugit takutissavai.
Nunap assingani nassuiaatit ajornanngippat tappiitsunut naqinnerit angisuullu allanneqassapput. Teknik nutaaq nunap assingi attuuallugit atuarneqarsinnaasut nipinngorlugit paasissutissanik ilaneqarnissaannut periarfissiivoq.
Sumissusersiornermut nunap assingi attuaallugit atuarneqarsinnaasut atortussanik, silamut atuisartorpassuillu attuuannittarnerannut akiuussinnaasunngorlugit, imaaliallaannaq ajortissinnaanngitsunik sanaqarsinnaapput. Tamakku qisunnit, plastikinik (assersuutigalugu 3D-mik naqiterinermi teknologi atorlugu) saviminermilluunniit sananeqarsinnaapput.
Nunap assinga atuisartunut ataasiakkaanut isiginiarnermikkut innarluuteqartunut tunniunneqassappata plastikimik, uunnallugit ilusilersueriaatsimik taaneqartartoq, (plastik kissataq matricep qulaani kissallugu ilusilersugaq) 3D-milluunniit naqiterut atorlugu sananeqarsinnaapput. Danmarkimi nunanilu allani pisortat suliffeqarfiutaat arlallit nunap assiliornernut ikiuussinnaapput. Tamakku pillugit paasissutissat ISI-mit imaluunniit Dansk Blindesamfundimit tunniunneqarsinnaapput.
Nunap assiliortoqaraangat nunap assingata ilusaa sukumiissusialu eqqarsaatigalugit atortussat assigiinngitsut naqiterinermi pissutsit assigiinngitsut eqqarsaatigalugit ilisariuminartut atorneqarsinnaat eqqortuusinnaavoq, assersuutigalugit.
Silami: aqquserngit asfaltitikkat, aqqusineeqqat, tummeqqat, qimuttuitsut unittarfianni ikiartortarfiit aamma
Silami: torsuusat, elevatorit, ataatsimiittarfiit il,il.
Atortussanik toqqaanisssamut tamakkuliornissamullu ISI-mit sukumiinerusumik innersuussisoqareerpat siunnersuisoqarsinnaavoq.