Home /
mærkesager /
det sociale område /
Isumaginninnermi suliassaqarfik pillugu ISI-mi imatut isumaqartoqarpoq
Nunatsinni innuttaasutulli allatut inuit isiginiarnermikkut ilungersunartumik innarluutillit kalaallinut inuiaqatigiinnut tunniussaqarusupput, ilami aalalluarlutik inoorusupput. Ulluinnarni eqqortunik atugassaqarlutik eqqortumillu ikiorneqarlutik inuit isiginiarnermikkut ilungersunartumik innarluutillit ilippanaatiminnik tamanik atorluilluarsinnaatilerlugit.
- Atortorissaarutit: Atortorissaarutinik eqqortunik attuumassuteqartunillu kommunimit sukkasuumik eqaatsumillu pissarsisarnissaq pisariaqartinneqarpoq, taamaalilluni assersuutigalugu ajaappissamik qaqortumik tuarluarnissamullu atortussanik qaammatini arlalinni utaqqisariaarulluni.
- Angallanneqarneq/aqqusinertigut angallanneq/ataasiaanik biiliussinissanik aaqqiinerit: Isiginiarnikkut innarluuteqarnerup ersarissumik kingunerisinnaasaa tassaavoq kiserliulernissaq, aqqusinertigummi angalaniarneq ajornakusoorsinnaasarmat. Angerlarsimaffimmit suliffimmut, sunngiffimmi sammisassanut peqataanissat, ikinngutinik ilaquttanilluunniit pulaarnissat ajornakusoorsinnaasarput. Tappiitsut isigiarsuttorujussuillu innarluutillit biiliunneqartarnerat pillugul aaqqiinernut ilaatinneqarnissaat ISI-mit kissaatigineqarpoq.
- Meeqqat inuusuttullu pillugit siunnersuisoqatigiit (inuttut piginaasaqannginnerit): Meeqqat inuusuttullu tappiitsut atuaqatigisumilli isigisutut meeqqat atuarfiannik naammassinninnissaminnut periarfissaqarnissaat pisariaqartinneqartorujussuuvoq. Atuartitsinernik atortut atuarneqarsinnaasunngorlugit saqqummersinneqartariaqaarput aamma atuarfinni attuumassuteqartuni atuartunik isiginiarnermikkut ilungersunartumik innarluuteqartunik akuliutitsinissamut pitsaasumillu atuartitsinissamut aamma pitsaasumik atuartitsinissamut piareersimasoqartariaqarpoq.
- Utoqqaat pillugit politik: Inuppassuit utoqqaliarsaalernermut attuumassuteqartunik isimikkut nappaatinik eqqorneqartarput taamaattumillu tassanngaannaq aalalluarlutik inuunerminnik annertuumik sakkortuumillu misigisaqartarput. Innuttaaqataasut utoqqaanerusut isiginiarnermikkut innarluuteqarnermik malitsigisaannik kiserliulernissaat pitsaaliorniarlugu silami inummik ikiorneqarluni biiliunneqarluniuunniit aneersinnaanissaannut aamma taamatut isiginiarnikkut ilungersunartumik innarluuteqarluni qanoq inuusoqarsinnaanera pillugu eqqortumik tapersersorneqarnissaat ilitsersuunneqarnissaallu aalajangiisuupput.
ISI-mi FN-imi innarluutillit pillugit isumaqatigiissummi immikkoortut 23 "Angerlarsimaffimmik ilaqutariinnillu ataqqinninneq (”Respekt for hjemmet og familien”)", 26 "Nalinginnaasumik inuuneq aamma nalinginaasumik inunngorsaqqinneq (”Habilitering og rehabilitering”)" aamma 28 "Naammaginartu ik inuuneqarneq inuttullu toqqissisimaneq (”Tilstrækkelig levefod og social tryghed”).