Ilisarititsinissamut siunnersuutit pitsaasut
Malittarisassat tamakku illit angusavit qanoq ilillutit oqariartuutivit tusarnaartunnut, tamakkununnga ilanngullugit tappiitsunut isigiarsuttunulu, sapinngisamik tamanut pissarsiariariuminartigisunngortinneqarnissaannut pitsaasunik siunnersuutitaqarput.
Ilisarititsineq
- Ilisarititsinnginninni oqalugiaativit najoqqutassartai agguaatikkit. Seqsersitamut ataatsimut qupperneq ataaseq.
- Atortussaatitit tappiitsunut naqinnertut, cd-tut USB-nøglemulluunniit ittunngorlugit pissarsiarineqarsinnaanissaat piareersimatikkit.
- Ilisarititsininni seqersitanni takutitatit tamaasa oqaatigisassavatit. Figurit grafillu oqaluttuarikkit nassuiaatigalugillu.
- Seqersitami soqutiginartoq tikkuaannarnagu suna soqutiginaateqarnersoq nassuiaatigiuk.
Qalipaatit imminnut akerleriittut
Qalipaatit imminnut akerleriittut marluiupput: qaamanerup sakkortussusia qalipaatillu.
Qaamanerup sakkortussusiani qalipaatit imminnut akerleriittut sakkortunersaat tassaapput qaqortoq qernertorlu. Qalipaatit imminnut ataqatigiissinnaanngitsut imminnut akerleriinnersaapput – assersuutigalugu aappaluttoq qorsullu. Qalipaatinik akoorinermi qalipaatit suut pitsaanersaasutut toqqarneqarsinnaanngillat, tassami inuit isiginnittaasiat assigiinngitsuummata.
Seqersitami qalipaatit imminnut akerleriittut qalipaatinik immikkoortitsinnaanngitsut eqqarsaatigalugit qamanermeersuunissaat aamma qalipaatineersuunnginnissaallu eqqumaffigissavat.
Ungataani qalipaatit taartut atukkit (qaamanikitsut) aamma oqaaseqatigiinnut qalipaatit qaamasut atukkit. Papilissami tungujortoq taartumi qernertumiluunniit naqinnerit qaqortut imaluunniit papilissami qaquissortumi naqinnerit qernertut siunnersuutigaavut. Naqinnerit ungataat qaqortoq inngianarsinnaammat eqqaamajuk.
Papilissat arlalinnik qalipaatillit atornaveersaakkit. Ungataani assitaqartitserusukkuit taava qaamaneq sakkukitsoq atoruk.
Naqinnerit/oqaaseqatigiit
- Seqersitami ataatsimi titarneq oqaasertalik ataasiinnaq imaluunniit immikkoortukkuutaaraluni saqqummiineq.
- Titarnermi ataatsimi oqaatsit tallimat – arfinillit missaannaanniissapput.
- Oqaasertai saamerliussapput.
- Seqersitami ataatsimi amerlanerpaamik titarnerit oqaasertallit arfiniliunissaat titarnerillu akornat 1,5-iutinneqarnissaat siunnersuutigaarput. Papilissap sanimut sinai tamarmik aamma ataa qulaalu 1,5 cm-it missaanniissapput.
- Allannerisa angissusiat 48-punkts. Allannerisa angissusiini 32-init appasinnerusut atunngisaannakkit.
- Naqinnerit angisuuinnaat atornaveersaakkit. Naqinnerit angisuut mikisulu akuleriisikkit.
- Naqinnerit sikingasut atornaveersaakkit.
- Seqersitami ataatsimi naqinnerit ilutsit ataatsit sinnerlugit atunngisaannakkit.
- Naqinnerit isigaqanngitsut atukkit (sans serifik) - assersuutigalugit Helvetica, Arial aamma Verdana - frem for Times New Roman.
Animation (Titartakkanik, titartakkanik uumasunik qarasaasiakkulluunniit titartakkanik aalatitseriaaseq)
Animation atornaveersaaruk.