Qatsissutsit assigiinngitsut
Qatsissutsit assigiinngitsut soorlu tummeraq ataaseq paasissutissiissutigineqanngitsoq, torsuusap isuani tummeqqat imaluunniit illoqarfimmi pisuinnaat aqqutaata sinaani majuartarfeqarfik tappiitsunut isigiarsuttunullu navianaataasinnaapput.
Aammattaaq qatsissutsit assigiit navianaataasinnaapput. Illoqarfimmi pisuinnaat aqqutaata sinaani aqquserngullu akornanni ujaraq amigaataasoq inuup isiginiarnermigut innarluutillip kukkulluni tummaraluarunik aqqusinermut pisooriaannaavoq.
Tummeraqarnissaanik ilimaginngisat qatsissutsillu assigiinnginnerusut nalinginnaasumik pisuffissaniinnatillu aqqusinerniissanngillat. Qatsissutsit allanngortinneqartariaqarpata isiginiarnermikkut innarluutillit sumiissusersiornissaat pisunnissaallu eqqarsaatigalugit usigiartarfittut ittut atorneqarnissaat siunnersuutigineqarput.
Tummeqqat nunami qatsissutsit assigiinngitsut aqqusaarniaraanni aqqutigineqartariaqartut pisuffissat saniannut inissinneqartariaqarput, taamaalillutik inunnut isiginiarnermikkut innarluuteqartunut tupassutaannginniassammata. Taamaattoqassagaluarpat tummeqqat qulaanni eqqumaffiginniffissamik ersarissumik ivertitsigaanni taakku isiginiarnermikkut innarluutillip piffissaalluarallartillugu takunissai qulakkeerneqartariaqarput. Tummeqqat sinaakkuserlugit nakkarnaveeqquserneqartariaqarput aamma / imaluunniit tummeqqat sinaat tigummivilertariaqarput. Tummeqqat pillugit immikkoortoq Afmærkning af udendørs trapper aamma immikkoortoq Indendørs trappertakukkit. Illoqarfimmi pisuinnaat aqqutaata sinaani ujarak kisimi pineqanngilaq. Ujarak taanna inummut isiginiarnermigut innarluutilimmut pisuinnaat aqqutaata aqquserngullu akornannut pineranut (imaluunniit pisuffissiaq aamma sikkilinut aqqut) oqaluttuartuuvoq.