Tikikkuminassutsinik aamma `Eqaatsumik ilusilersuisarnernik´ ilisarititsineq
Tamanut ilutsit imaluunniit Eqaatsumik ilusilersuisarneq ilusilersuisarnerit pillugit isummersuutaapput sanaartukkani atuisartunut killilissanik misigisaqarsimasunut tamanut tunngasut aamma atuisartut tamakku piginnaasalinnut piginnaanikillisimasunullu avinneqanngillat.
Eqaatsumik ilusilersuisarnermi imaluunniit Tamanut ilutsini avatangiisit tikinneqarsinnaasut tamaasa ilusilersorneqarnissaat anguniagaavoq, taamaalilluni inuit piginnaasaat pillugit inuiaqatigiit piumasaqaataat annikillisimakkumallugit. Illooreersuni atortulersuutaareersunilu aporfissat innarluutillit peqataanissaannut akornutaasut peerneqarnissaat pineqarput, nutaanik sanaartornernut tunngatillugu pilersaarusiornerni, ilusilersuinerni suliarinninnernilu avatangiisit kikkunnit tamanit tikinneqarsinnaanissaat qulakkeerneqassapput.
Eqaatsumik ilusilersukkat, assersuutigalugu tunisassiat atuisartunit sapinngisamik amerlanerpaanit immikkullu aaqqissuusseqqaarani atorneqarsinnaasut, atuisartup atortorissaarutit immikkut ittut atortarnagit atorneqarsinnaanngorlugit aaqqissuussaasarput. Tunisassiat eqaatsumik ilusilersukkat aamma inuit ataasiakkaat pisariaqartitaannut ajornanngitsunnguamik naleqqussarneqarsinnaapput – assersuutigalugu atuisartunik sullissisoqartillugu.