Tappiitsunut naqinnerit pillugit oqaaserineqartartut
"Timmissat qarlornerisigut immikkoortissinnaavakka aamma ajaappiara qaqortoq iluaqutigalugu aqqutissara paasisinnaavara kisianni atuakkat uagut tappiitsuusugut iluamik ilikkavissinnaanngilagut."
- Louis Braille, tappiitsinut naqinnernnik nassaartoq
"Tappiitsunut naqinnerit allattaaseraakka. Allatsilunga atussallugit pissusissamisoornerpaajuvoq. Tamannalu malugineqarsinnaavoq. Arlaannik allatassaqartillunga oqaaseqatigiiliassakka eqqarsaatinni tappiitunut naqinninngortittarpakka. Aamma isigisinnaasut allattariaasiannik allattarninnit pitsaanerusumik tappiitsunut naqinnerit atorlugit allattarpunga. Tassa tappiitsunut naqinnerit uanga tappiitsullu allat isummatsinnik anitsiniaraangatta periarfissittarpaatigut."
- Henning Eriksen
"Tappiitsunut naqinnerit paasiuminaatsortaat tappiitsunut naqinnerit attuaalaartillugit paasisarlugit. Pattagissamik misileeqqaarnerit aamma nuutit inussat ataannut pisillugit angissap noqartaanik nalornisunnguamik attuaalaarinerit siulliit. Qipiup ataani meeqqanik atuffassinerit. Ilinniarnertunngoorniarfimmut/mit atuakkanik oqimaatsunik nassartarnerit. Seminariami aamma meeqqat atuarfianni ilinniartitsisutut suliat pillugit allatanik toqqaannartumik atuarsinnaanerit. Tappiitsunut naqinnerit allattaaseraakka aamma taakku inuunermut aalalluarnartumut misigisassarpassuaqartumullu toqqaannartuik aqqutaajuassapput."
- Kurt Nielsen
"Tappiitsunut naqinnerit nassaarineqarsimanngikkaluarpata atuarsinnaanagalu allassinnaasimassanngikkaluarpunga - aamma tunngaviusumik atuarsinnaanagalu allassinnaasimassanngikkaluarpunga. Tappiitsunut naqinnerit siunissami inuunissannik periarfissippaannga, taakkoqanngikkaluarpammi tamanna pissarsiarinngitsuuvissorsimassagaluarpara. Oqalugiarsinnaavunga, naatsorsuuserisinnaavunga. ernuttakka oqaluttuarisaanernik atuffassinnaavakka, erinarsoqatigiinnik aqutsisuusinnaavunga aamma taalliakka allattorsinnaavakka. Naatsumik oqaatigalugu inuuninni nalinginnaasumik inuusinnaavunga. Tappiitsunut naqinnerit uannut silarsuarmut igalaajupput."
- Willy Egmose
"Tappiitsunut naqinnerit uannut allattaaseqartariaqartumut pingaarutilerujussuupput. Tappiitsunut naqinnerit nuannarisorujussuuakka, tassami qulleq ikinnguarnagu innarluni atuarneqarsinnaammata."
- Jørgen Eckmann
"Tappiitsunut naqinnerit naammattooqqaarakkilli nuannaarnermik kinguneqarsimapput aamma kulturikkut, inuussutissarsiutikkut inuttullu inuuneqarninnut pinngaarnerit ilagilersimavaat."
- John Heilbrunn
"Tappiitsunut naqinnerit tappiitsut silarsuaanni nassaat qularutissaanngitsumik pitsaanersaraat kisianni ajoraluartumik amerlanngitsuinnaat taamatut allattariaaseqarput, ingammik qarasaasiap atorneqarneqalernerata kingorna. aamma ajoraluartumik ikittuinnaat prentavlemik allassinnaalerput. Tamanna ajuusaarnaqaaq, ingammik ukioq´manna immikkut ittumik nalliuttorsiornissarput eqqarsaatigalugu." (2009-mi Louis Braille ukiunik 200-nngortorsiortoq, aaqqiss.)
- Hans Erik Olsen