Kennedy Centret, Synsregistret aamma Øjenklinikken pillugit

Kennedy Centret Danmarkimi Lov om Sektorforskning af 5. maj 2004-imut (Immikkoortumik ilisimatusarneq pillugu inatsit 2004-imi maajip ulluisa tallimaanneersoq) ilaatinneqarpoq aamma Danmarkimi Peqqissutsimut Pitsaaliuinermullu Ministeriaqarfiup ataani ilisimartusarfiuvoq siunnersuisarfiullunilu.

• Kennedy Centret Danmarkimi inuup sananeqaataanik nappaatit, tamakku tarnikkut nappaartinik isigiarsulernermilluunniit kinguneqarsinnaapput, tassani suliassat nappaatip suussuserneqarnera, inuuneq naallugu siunnersuisarneq aamma siunnerfeqarluartumik ilisimatusarnermik tunngavissiissumik katsorsaanerit qanimut suleqatigiissutigineqarnerisigut isumagineqarput.
• Kennedy Centret Danmarkimi nunami tamami inuit isiginiarnermikkut innarluutilerujussuit piginnaanngorsarneqartarput. Centerimi meeqqat Danmarkimiittut isigiarsuttut tamarmik inatsisitigut pisussaaffigalugu nalunaarsorneqartarput.

Kennedy Centerimi ilisimatusarneq

Kennedy Centerimi tappiitsuunissap pitsaaliorneqarnissaa pisussaaffiuvoq. Ilisimatusarnermi ingammik innuttaasuni isikkut nappaatit kingornuttakkat immikkullu pingaartitsillugit isigiarsuttut qaqutigoortumillu isimikkut nappaatillit ilisimatusarfigineqarput. Ilisimatusarneq Kennedy Centerimi ilisimatusarnissanik pilersaarutini sukumiinerusumik allaaserineqarpoq.

Tamatuma saniatigut isileriffimmut ilisimatuussutsikkut suleqataasoq aningaasaateqarfinnit akissarsiaqartinneqartoq ukiuni arlalinni suliniutinik immikkut ittunik annertunerusunik suliaqartartoq attuumassuteqarpoq.

Ilisimatusarnerit Dansk Blindesamfundimit aamma inuinnaat aningaasaateqarfiinit allanit arlalinnilu tapersersorneqarput.

Statens Øjenklinik aamma Kennedy Centerimiippoq.

Isigiarsuttunik nalunaarsuisarfik

Isigiarsuttunik nalunaarsuisarfimmi meeqqanut inuussuttuaqqanullu 18-it inorlugit ukiullit isiginiarnermikkut innarluutillit nalunaarutigineqarsimasut paasissutissaataat pigineqarput.

Danmarkimi sulissinerit pillugit inatsit naapertorlugu meeqqat inuusuttuaqqallu 18-it inorlugit ukiullit 6/18 tikillugu isigiarsuttut imaluunniit isiginniffigisinnaasaminni ajoquteqarlutik isigiarsunnerusut nalunaarutigineqatussaatitaapput. Isileriffimmi Isigiarsuttunik nalunaarsuisarfimmi immersuiffissamut immikkut ittumut immersuilluni nalunaarsortittoqarsinnaavoq.

Isigiarsuttunik nalunaarsuisarfik Kalaallti Nunaannit paasissutissanik ilaartoqarneqassasoq sulissutigineqarpoq.