Isiginiarnikkut innarluut pillugu
Kikkut isiginiarnikkut innarluuteqarpat?
Kalaallit Nunaanni innuttaasut amerlanersaat isiginiarnermikkut innarluutillit 65-it sinnerlugit ikioqartuupput.
Utoqqaat isiginiarnermikkut innarluuteqalersarnerannut pissutaanerpaasut tassaapput isikkut isiginiarnikkullu malugissutsit atuuffiinik annikillisoornerit, tamakkulu ajoraluartumik allatigut sanngiillinernik malitseqarsinnaasarput, assersuutigalugu tusillanneq aallassarikkunnaarnerluunniit.
Isiginiarnikkut innarluuteqalernernut pissutaasut allat tassaapput sukkorneq, quarteq, nappaatit kingornuttakkat quarteqarnerillu.
Isiginiarnikkut innarluut qanoq nalilersorneqartarpa?
Isiginiarnikkut innarluut tappissutsimik uuttortaanikkut imaluunnit isit nakorsaanit nappaammik suussusersinikkuot napparsimmavissuarmiluunniit immikkoortortamit nassuiarneqarsinnaavoq. Kisianni isiginiarnikkut innarluut tappissutsimik uuttortaanikkuinnaq imaluunniit nappaammik suussusersinerinnakkukt nassuiarneqarsinnaanngilaq.
Isiginiarnikkut innarluut inuup isigisinnaassusianut tamatumalu malitsigisaanik pisumi pisinnaassusiata atuussinnaaneratut aamma isigineqartariaqarpoq. Isiginiarnikkut innarluut oqaatsitigut assigiinngitsunik taaneqarsinnaavoq; isigiarsunnermiit isigiarsorujussuarnermut naggataatigullu tappigernermut.
Tappissutsinut takussutissiaq (visus)
Kisitsisit imatut paasineqassapput, assersuutigalugu 6/18-liimik tappissuseqarluni inuup nalinginnaasumik tappissuseqartup 18 meteriniit takusinnaasaa 6 meteriniit takuneqarsinnaasoq.
Danmarkimi inunni tappissutsii apparsimasunik immikkoortiterinerit
Isimi tappinnermi uuttortarneqarput
Immikkoortoq: A
Tappissuseq: 6/18-miit 6/60-imit pitsaanerusumik
Taaguut: Isigiarsunneq
Immikkoortoq: B
Tappissuseq: 6/60-imiit1/60-imit pitsaanerusumik
Taaguut: Inuttut tappigerneq
Immikkoortoq: C
Tappissuseq: 1/60-imik qaamanermik malugisinnaassuseqarneq taasuminngalu sumiissusersisinnaassuseqarneq.
Taaguut: Tappgerneq
Immikkoortoq: D
Tappissuseq: Qaamanermik malugisinnaassuseqarneq taassuminngali sumiissusersisinnaanngissuseqarneq
Taaguut: Tappigivissorneq
Nalinginaasumik tappissuseqartuni tappissutsinik assersuutit
isini tamani uuttortarneqarput
Nalinginnaasumik tappissuseq agguaqatigiissillugu 6/6-uvoq.
Inuussutissarsiutigalugu qamutinik motoorilinnik ingerlatsisinnaanermut allagartartaarniaraanni isimi tappinnermi 6/7,5-imik ajornermilu 6/12-imik tappiinnerpaaffeqartariaqarpoq.
Inuttut nammineerluni qamutinik motoorilinnik ingerlatsisinnaanermut allagartartaarniaraanni isini tamani assigiimmik 6/12-iimik tappiinnerpaaffeqartariaqarpoq. Isip illua 6/60-ilimik taamaallaat tappissuseqarpat isip aappaa 6/10-limik tapiissuseqartariaqarpoq.
Isiginnaasap annikillinera
Isimi tappinnermi isigisinnaasaq 10 gradinik appasinnerusumilluunniit annikillisimappat inut tappigersimasutut immikkoortinneqartarpoq, tappissusia apeqqutaatinnagu.
Najoqqutarineqartoq: Videnscenter for synshandicap (2009)