Sulineq
Piffissami suliffissaaruffiugaluttuinnartumiippugut tamatumalu malitsigisaanik inuit arlalippassuit nalnginnaasumik suliffissaaleqisartorujussuit suli ajornartorsiuteqarnerulissapput.
Suliffeqarnermi pissutsit ilorraap tungaanuunngitsoq ajoraluartumik ingerlanerat tapiitsunut isigiarsuttorujussuarnullu immikkut sakkortuumik eqquipput, tassami tappiitsut isigiarsuttorujussuillu suleqarnissaminnut periarfissaat innarluutilinnut allanut naleqqiullugit malunaatilimmik ajornerummata.
TAAMAATTUMIK IMATUT ISUMAQARPUGUT:
- Tunngaviusumik atuarfimmit aamma inuussutissarsiutinik ilinniarfinnit siunnerfeqarluartumik suliniutit ataqatigiissut tapiitsut isigiarsuttorujussuillu qanoq ilillutik suliffinni atorneqarsinnaasunik inuussutissarsiutit, suliffimmi sungiusarfiit aamma inaarutaasumik misilitsinnerit qitiutinneqartut aamma suliffinni atorneqarsinnaasut sukumiisumik nassuiaatigineqarnissaat pisariaqartinneqartut.
- Angajoqqaat, ilinniartitsisut, Namminersorlutik Oqartussat aamma kommunini atorfilittat, sulisitsisut sulisartullu siunnersuisussat, atorfinitsitsisussat aamma tapiissutsinik isigiarsuttorujussuarnillu suleqateqartussaasut isummertarnerat allanngortinneqartariarput. Ullumikkut tapiitsut sulisinnaanersut susinnaannginnersullu pillugit isummanik pigiliutiinnagarpassuaqarpoq, tamakkulu unitsinneqassapput.
- Qitiusumik sullissivik atortorissaarutinik misileraaviusinnaasoq, ineriartortitsiviusinnaasoq allaaserinniffiusinnaasorlu aamma isiginiarnermikkut innarluuteqartunut iluaqutaasinnaasoq pisariaqartinneqartoq. Taanna ullumikkut pigineqanngilaq, taamaalilluni suliffeqarnissatsinnut, suliffeqarnermi elektroniskit digitalillu tungaasigut ineriartortoqartorujussuuvoq, amigaataalluni kinguarsaataasorujussuuvoq.
- Atortorissaarutinik iluaqutaasinnaasunik, inuit ataasiakkaat suliffiinut naleqqussasrneqarsinnasunik, allaffissorneqartanngitsumik sukkasumik atuisinnaanerit pisariaqartinneqartut.
- Allanik iluaqutaasinnaasunik suliniuteqarnerni inuttut eqaannerusumik suleqatiginnilluarnerusumillu ikiorteqarnissaq pisariaqartinneqartoq.
- Maannakkut siunissamilu qarasaasianut innarluutilinnit atuisinnaanerit qulakkeerneqarnissaat pisariaqartinneqartut, tamaanngippat suliffigisaq tigummiinnarneqarsinnaanngilaq imaluunniit suliffeqalertoqarsinnaanngilaq.
- Atortunik ajornuteqanngitsumik atuisinnaanerit pisariaqartinneqartut, taamaalillutik tapiitsut isigiarsuttullu sulisutulli allatut atortunik taakkuninnga atuisinnaalerlutik.
- Inuuneq naallugu ilikkagassanik akornuteqanngitsumik ilinniarnissat pisariaqartinneqartut (ilinniaqqinnerit), suliffissaarusimasuuneq suliffeqarnerlu apeqqutaatinnagit.
FN-imi innarluutillit pillugit isumaqatigiissut immikkoortoq 27, "sulineq suliffissaqarnerlu" ISI-mi aallaavigineqarpoq.
Innarluutillit pillugit isumaqatigiissut Det Centrale Handicaprådip nittartagaani takusinnaavat:
Det Centrale Handicaprådip nittartagaa: FNs handicapkonvention
FN-imi innarluutillit pillugit isumaqatigiissut pillugu videokkut paasissutissiissut