Sumut saaffiginnissaanga?
Kommunet tassaapput nalilersuisartut innuttaasoq tapersersorneqarsinnanersoq ikiorneqarsinnaanersorluunniit. Taamaattumik kommunemut saaffiginnissaatit. Kommunemut saaffiginninninni aamma eqqumaffigissavat tapersersorteqarsinnaanerlutit.Tapersorteqarneq ilinnut akissaajaataassanngilaq. Tapersersortip suliassaraa qulakkiissaallugu tusaaneqarnissat, kiisalu suliassamik suliaqarnermi maleruagassat malillugit sulisoqarnersoq. Tamatuma saniatigut qinnuteqarninni isumaqatigineqanngikkuit- itigartinneqaruit – maalaaarnissannut ikiorsinnaallutit.
Kommunemiit ikiorneqarnissannut tapersersorneqarnissannulluunniit uppernarsarneqaqqaartussaavoq, ilumut sulisinnaanerit annikillisimanersoq. Imatut paasillugu uppernarsarneqartussaavoq isiginiarnerit ima ajortigilersimasoq, ulluinnarni ikiortariaqalersimallutit. Amerlanertigut peqqinnissaqarfimmiit uppernarsaammik oqaaseqaammilluunniit pissarsisimassaatit. Ilisimatitsissutigissavat sumik ikiorserneqarusunnerlutit. Aamma imaassinnaavoq atortunik ikiorsiissutinik atorfissaqartitsisutit.
Ilaasa pikkorissarneqarneq iluaqutigisarpaat, imaluunniit Pissassarfimmiilaarneq iluaqutigisarlugu. Inuit ilaasa atortut ikiorsiissutit atorfissaqartittarpaat imaluunniit inigisamik iluani pisatsersornissamik siunnersorneqarneq allamilluunniit. Nuna tamakkerlugu inuit innarluutillit sungiusartarfianni Pissassarfimmi inummik immikkut ilisimasalimmik oqaloqateqarsinnaavutit, taassuma ikiorsinnaavaatit siunnersorlutit atortoq ikiorsiissut sunarpiaq ilinnut pitsaanerpaajunersoq. Pissassarfimmut saaffiginninneq akeqanngilaq.